蕊蕊學策騎 先氹馬兒
近來由影視圈轉戰樂壇的蕊蕊（前名：陳蕊蕊）非常好動，半年前更愛上了騎馬，每星期都會抽一天上堂，雖然只是初學階段，但她騎起馬來有姿勢有實際，絕不馬虎。蕊蕊直言驅使她學騎馬的主因，是她從小就喜愛動物：「我之前喺韓國同內地都有騎過，不過唔係專業，我想學到起碼可以自己控制到隻馬！」
蕊蕊騎在馬匹上狀甚輕鬆，但她上完半小時堂即大叫辛苦、腳仔軟：「隻馬每行一步，我對腳都要加力畀signal，話畀隻馬知應該停低定係繼續行。」由於上堂環境優美，單睇馬都可放鬆心情，她笑說：「上堂前我會特地去買薄荷糖或甘筍餵飼馬匹，每次隻馬見到薄荷糖都會好興奮！」
貼身四寶
學騎的裝備不用太多，像蕊蕊這類初學者，只需要買騎馬用專業頭盔、手套、皮褲及護腿套，花費約二至三千元，蕊蕊說：「鞋一定要買有踭，皮褲同護腿套係為咗保護大腿而設，因為大腿摩擦得多，用護腿套可以保護皮膚，試過有次着普通褲，返到屋企發覺瘀咗一撻撻！」
