張學友晒一字馬 勁舞娛賓
歌神張學友一共十場的《1/2世紀巡迴演唱會》最終香港站前晚開鑼，學友於台上又跳又唱，雖然其巡唱已達137場，但學友狀態依然！以跳踢躂舞為個唱揭開序幕，配合學友的歌曲有多次煙火及噴火效果。而向沈殿霞（肥姐）致敬環節，學友與四位假「肥姐」一同跳舞，並表示：「大家都知肥姐係開心果，對我嚟講佢係特別嘅前輩，因為我出道時佢好幫忙。」
連場快歌 全場high爆
之後學友再度騷其一字馬，並叫大家不要亂學：「如果筋骨硬做係好危險，一陣落咗去上唔番嚟就唔好，我都練咗好耐！」他並言個唱上播放與舒淇合作的音樂劇中，最後一幕的對白，是他對愛情膚淺的看法。
學友自嘲對上一隻廣東碟《Private Corner》沒有甚麼人認識，他於台上唱Jazz（爵士音樂）時又笑言：「我唱嗰陣瞇眼見到好多人行嚟行去，唱爵士音樂係我首次嘗試，接受唔到都正常。」學友透露今次比上次個唱多了慢歌笑說：「可能有啲朋友瞓着咗，如果有瞓着嘅朋友麻煩頂一頂，之後會唱快歌，令大家喺睡夢中驚醒！」隨後即送上連串快歌加勁舞，如《餓狼傳說》及《頭髮亂了》等，令全場升溫。而螢幕同時播放他多年前的MV，學友自誇比20年前的自己跳得更好，並言27年來一直很努力。
文：音樂組