城城 避談熊黛林捱罵
郭富城、楊采妮及劉心悠前晚出席新片《浮城》首映，對於緋聞女友熊黛林（Lynn、圓圖）因默認收了3卡鑽戒而遭人痛罵，城城說：「唔講，講番電影。（慰問Lynn？）你哋慰問。（Lynn話好冤枉？）佢好似澄清咗，唔講，好悶！（你送３卡鑽戒？唔畀佢高調？）尊重我，問番工作！（Lynn想帶爸爸睇《浮城》？）唔回應，問第二樣。（Lynn讚你係好男仔？）多謝！」
至於Lynn的經理人Kim昨日則替Lynn不值，她說：「Lynn根本冇做雜誌訪問，傳聞唔係事實，有證據先講。」
另外，對於城城與Lynn傳在下月秘婚激嬲城城經理人小美，而Lynn遭小美鬧爆一事，小美表示不是事實的不回應，而Lynn在截稿前都未有回覆。