Iris祝阿旦 遇上好男人
「爆E超蓮」鍾采羲（Iris）前晚穿上Deep V短裙與師姐、「E Cup教主」鄧伊玲（阿旦）出席啤酒活動，吸引數十男粉絲捧場，剪綵後她們又向現場觀眾玩推啤酒樽遊戲和派禮物。
性感打扮的Iris非常風騷透露已拍了寫真，準備暑假面世，但談到拍拖，單身的她即撒嬌：「今年多咗人追，但想留番多啲時間畀工作，無乜時間談情，好矛盾囉！」
至於身旁的阿旦自爆與無綫主持黎國輝（阿感）分手後，今年決定不出寫真集，希望找到一個不介意她曾拍過性感照的好男人結婚。她又自言有幾個人追她，但自己未揸定主意。Iris則寸爆指阿旦前男友阿感是衰男人：「係阿旦先至咁天真容易受氹，希望佢以後唔好再遇到衰男人。」