可嵐遭三擊股 羞憤報警

上周娛樂圈才爆出強姦案件，豈料一波未平一波又起。歌手可嵐（真名劉珏琳）自年前開始到尖沙咀一間瑜伽中心上堂，但她昨晨報警聲稱疑遭該中心的外籍男導師拍pat。她昨日在老公陪同下接受本報訪問說：「今朝上高溫瑜伽堂，當時我做緊雙腳擘開，雙手掂腳動作，感覺後面有人好大力啪啪啪打我pat pat，男導師話：『your hip』，我相信其他學員都會聽到，覺得好烙囉。」

可嵐表示當時未有喝停對方，但心中不舒服，嘗試離開又遭導師阻止，惟有靜坐「示威」，最終報警。警方到場了解後，導師透過瑜伽中心向她道歉。可嵐指導師教學生正確動作好正常，但應該出口提醒，此事令她留有陰影：「老公話我個pat pat畀佢拍，唔係畀其他人拍，以後做瑜伽搵女導師。」警方發言人亦證實，昨晨收到劉姓女子報稱遭瑜伽導師接觸身體而不舒服，警察到場後雙方和解。

周美欣曾被摸pat

此外，前港姐周美欣前晚出席活動，對於被捲入同齡女星疑被姦案件感到有點不開心及難受。她表示曾到該錄音室，亦認識負責人，但跟對方不算熟落。她又表示曾遭人非禮：「有次萬聖節畀男人摸pat，自己處理有少少白癡，只識轉身叫佢講sorry，唔識交警方處理。」

文：音樂組