楊思琦：冇諗過自殺

前港姐楊思琦二月在美國產下愛女楊卓穎，並飛甩舊愛吳帥選擇做單親媽咪，但一度被指壓力太大抑鬱，回港後她聲言會堅強面對及獨力撫養愛女。不過，昨日梁思浩出席電台活動時突然提起前陳姓落選亞姐遇上感情騙子而三料自殺身亡，希望大家多多支持思琦，似若有所指，問到是否暗示思琦會自殺？思浩卻說：「冇！（有講吳帥係BB爸爸？）都冇！我唔評論吳帥同李泳豪。」思琦昨日透過電話承認與思浩在微博有私信，但沒有想過自殺：「多謝思浩咁關心，明白佢咁講係想傳媒唔好逼得我咁緊。（你有冇自殺念頭？）梗係唔會，我生活得好好。」

換尿片大擺烏龍

思琦近兩日均有出席活動，昨日她到大埔超級城出席母親節活動，對於被本報拍到單獨愁爆行街，她笑言當日趕往髮型屋：「我好開心，每日時間都唔夠用，就算得我自己湊BB，佢都唔會唔幸福吖！」活動上她幫小孩換片，卻不慎反轉尿片。思琦透露現時108磅，目標再減8至10磅，希望有纖體公司幫手。

梁思浩以自殺事件和思琦相提並論，令人擔心是若有所指。

放大圖片

攬實囡囡好開心

前晚思琦則穿紫色低胸裙出席慧妍雅集晚宴，她表示做媽媽後首個母親節感覺特別，問到如何過節？她說：「都係喺屋企，由我下廚。大家攬住個寶貝女已經好開心！」問到覺得BB似誰？思琦說：「變化緊，未睇到。（想似邊個？）冇所謂，最緊要健康。」

文：影視組