鄧健泓李詩韻復合等咀

「舊情人」李詩韻和鄧健泓自分手後未曾在幕前合作，但今次因高鈞賢腳傷，手術後要休養兩個多月，監製最後換了鄧健泓（Patrick）頂替，造就二人「再續前緣」，在新劇《情越海岸線》中飾演一對情侶。Patrick昨日在電話受訪時表示：「當然我有呢個機會好開心，要多謝監製梁材遠，（有咀戲？）梗係冇，不過寫到嚟咪拍，（唔怕女友龔嘉欣介意？）佢好大方，大個女，大家都係做呢行都明白，（遇舊愛會尷尬？）唔會，大家都係做嘢，分手後我哋都好少傾偈，平時聯絡都係因為要共同撫養隻狗。」不過詩韻則覺「怪怪哋」：「我又唔係同佢十怨九仇，可能有少少避忌，唔想佢女朋友唔舒服。」