嘉穎護舊愛否認陪墮胎

鄭嘉穎昨日接受查小欣電台節目訪問，自爆日前出席馬會活動時，有記者稱收到告密信爆嘉穎於18年前曾陪Linda墮胎，他激動地說：「佢話Linda因為咁，到依家都冇小朋友，要試人工受孕。其實Linda依家家庭幸福，唔好做埋呢啲新聞，要積啲陰德，呢啲傷害人哋家庭同婚姻，唔可以無中生有到咁樣，又冇證據，全部都係作嘢！」

王馨平通知老公

為免影響到Linda，嘉穎坦言已將此事通知她：「我叫佢打畀老公『打番個底』。有啲嘢我控制唔到，依家最緊要係點面對，不過佢兩公婆互相信任！Linda話呢啲（生BB）整定，冇就冇。」嘉穎坦言不介意被重提跟Linda的舊情，每個人有過去有回憶，對他來說這段回憶很珍貴。

負面報道當鞭策

此外，提到嘉穎跟冼灝英師傅的恩怨時，他說：「可能佢做訪問時，啲字眼畀傳媒發大嚟做，自己都慣o架啦，『刀刀見血』，『賤男』、『霉』、『橡膠穎』幾難聽都試過，我要多謝傳媒咁多年嘅鞭策同提醒，否則我唔會咬住牙關去證明自己。」

文：音樂組