鍾采羲遠征TGA 35E撼日模

日本TGA（Tokyo Girls Award）官網昨日公布本月26日舉行的春夏季時裝騷入圍模特兒名單，共有一百個模特兒獲選，包括水着女星熊田曜子、AKB48成員篠田麻里子、前Morning娘成員矢口真理及名模藤井莉娜等，個個乃數一數二的日本著名女星，而香港o靚模鍾采羲（Iris）亦繼師姐陳靜之後成功入圍，成為今季時裝騷的唯一香港代表！

嘲Monna冇份

首次入圍的Iris得知消息後興奮得徹夜難眠：「可能佢哋睇完我今年3月喺香港行嘅TGC（Tokyo Girls Collection）之後就揀咗我，暫時未知會着咩嘢衫，就算性感都絕對冇問題，估唔到我唔係混血都入到圍！」暗嘲曾跟她鬧不和的同門混血o靚模林宜芝（Monna）無份。

鍾采羲希臘女神打扮，盡顯媚態。

師姐陳靜去年亦到日本為TGA行騷。

勤按咪咪迎戰

由於入圍女星個個來頭不少，Iris直言怕比下去，要日日健身操好體形，她說：「好彩我上圍都有35E，天賦本錢都唔輸蝕，會再勤力啲按摩咪咪！仲要努力修腰，令線條更完美！」向來視藤井莉娜為偶像的她，希望到時可於後台跟偶像合照。另外，她首批寫真造型照終於曝光，以希臘女神打扮示人的她盡顯媚態，高雅之餘亦不忘騷驕人「事業線」。

文：專案組