張豪龍踢爆鋒芝齊下廚
張豪龍昨日出席活動時，笑言支持胞姊栢芝與霆鋒復合，又指鋒芝一家四口出席大仔Lucas的學校家長日十分正常：「成日都去o架啦，佢哋係家長嘛。我當然贊成佢哋復合，『寧教人打仔，莫教人分妻』。」雖然之前被指與霆鋒不和，但豪龍強調二人關係ＯＫ，又稱現時仍稱霆鋒為「姐夫」。
談到栢芝似發福不少，豪龍竟踢爆她時有跟霆鋒「煮飯仔」：「梗係（肥）啦，佢係咁煮嘢食。（同霆鋒一齊煮？）佢哋不嬲都有一齊煮嘢食。」他又指未知栢芝會否與霆鋒一起慶祝母親節：「望都望佢哋好，開心就得。」
豪龍又指栢芝沒可能如傳聞所指寫情書挽回霆鋒：「你覺得張栢芝會唔會咁做？點解要栢芝去挽留（霆鋒）先？」他又力挺胞姊宣傳時趕住走並非耍大牌：「佢要湊仔嘛。」