嘉穎認爆粗：講咗都唔覺
視帝鄭嘉穎昨日出席在沙田馬場舉行的「寶馬冠軍一哩賽」活動，他透露近期工作繁忙，於活動開始前剛從內地趕回來，稍後便會為《拳王》和《步步驚心》宣傳。他指該活動是馬會一年一度的大賽事，其親戚亦有飼養馬匹，坦言會與他們一起買新馬：「同表兄妹夾份買，一個人唔識，但都要抽籤。（贏錢？）有，都係託表兄妹先贏多啲。」
唔會埋堆搞氣氛
談及自己是否當旺，嘉穎坦言指自上年開始，所有事情也非常順利：「但有得必有失，是非多咗，我正面面對，冇得避免。」對於被《拳王》動作指導冼灝英公然力斥態度差及無禮，他表示身在異地也有留意報道，問是否曾在拍攝中爆粗？他淡定回應：「打拳時講咗都唔覺。冼師傅做顧問，公司亦有武指，仲有泰國人教練。藝人要喺短時間練出最正宗嘅動作，我去請教泰國人教練。如果有人感到唔舒服，我喺度講聲對唔住，唔好意思，唔係話冼師傅唔識教，大聖劈卦會好啲，嗰個moment係我嘅選擇。」
問會否感到被中傷？嘉穎表現得我行我素：「每人有每人睇法，我係專業演員，我唔係公關，唔會同人搞氣氛，我繼續用呢個原則，唔會為其他人生活。（同冼師傅傾番件事？）尊重言論自由，我有我立場。」
另外，洪金寶名下愛駒崇山寶昨日第二次在沙田馬場出賽並再度勝出，為洪金寶贏得逾42萬獎金，其兒子洪天明與新抱周家蔚到場支持，洪金寶開心得攬實其母，而好友曾志偉及譚詠麟等亦大晒V字手勢。而前晚天明與家蔚拍拖睇Lady GaGa演唱會，家蔚更以特別造型入場。
文：名人組