麥雅緻待嫁態勇 張穎康等變人乾

雖然距離婚期還有一段日子，但麥雅緻（Angie）和張穎康的心情已開始緊張，為籌備擺酒事宜忙個不休，張穎康表示：「呢排為搞結婚嘅嘢好忙，嚟緊我要開劇，因為個角色需要我瘦啲乾啲，所以忙之餘，仲要狂做運動操fit啲。」

有云女人結婚等於當了一日公主，即將做「公主」的Angie可謂狀態大勇，試婚紗期間，亮麗可人，身形十分纖瘦，但她仍嚷着減肥：「結婚當日梗係希望以最漂亮嘅一面示人啦！」

一對準新人舉手投足甚有默契。	麥雅緻纖瘦亮麗，還說要多減幾磅。	朱慧敏

朱慧敏鬧笑話

現階段喜帖還在印製中，所以結婚一事還未算公告天下，張穎康笑言之前就鬧出個笑話，事件主人翁正是烏龍得可愛的朱慧敏，張穎康笑言：「有一日，朱慧敏喺化妝間見到Angie，知道Angie結婚，即刻好開心恭喜佢，跟住朱慧敏見到我，我就同佢講我結婚，佢就問我新娘係邊個，我指一指Angie那邊，佢以為係幫Angie整緊頭嘅女髮型師，鬧咗個小笑話，之後佢知道擺咗烏龍，大家笑咗一陣，佢仲話會嚟飲我哋嗰餐。」

文：影視組