祖兒自爆多仔追：數到Z呀！

楊受成夫婦昨日率領旗下藝人謝霆鋒、容祖兒、古巨基、蔡卓妍、林峯等，乘坐名貴房車出席「英皇集團70周年慶典啟動禮」，鄭嘉穎及鍾欣桐因工作缺席，霆鋒及祖兒分別站於老闆兩旁，盡顯一哥一姐地位，英皇更派出過千旗下員工砌出「70」的字樣，氣勢十足，楊受成及太太陸小曼主持啟動儀式，並現場宣布捐出1,000萬予慈善機構。

霆鋒計劃主板上市

已開設後期製作公司「PO朝霆」的謝霆鋒，有指其公司計劃上市，他說：「目前考慮中，聽傳聞話喺創業板上市，但我就想喺主板上市。」他更透露5月底會於北京開設分公司，問可會教導兩位寶貝仔做生意？他說：「提議幾好，細仔（Quintus）好啲，因冇哥哥（Lucas）咁調皮。」

英皇70周年慶典，旗下藝人及高層晒冷出席。	霆鋒下月將在北京開設分公司。	霆鋒和祖兒分站楊受成夫婦兩旁盡顯一哥一姐地位。

問到常於內地拍戲的他可有被女星敲門或追求？他連番否認是筍盤，並再強調內地女星楊冪敲他房門的傳言全屬不實。至於會否開放投入新感情？他直言：「做嘢先，冇人埋身，我係悶人。」又揚言未有想過找女友。

名車巡遊加千人砌出「70」字樣，氣勢十足。	古巨基乘坐名貴跑車進場，沿途不斷與粉絲揮手。	林峯（後排左）和林欣彤參與慶典同樣心情興奮。

天后容祖兒提到有傳無綫開拍藝人版《盛女愛作戰》，她直言自己非剩女：「有排都未到我，我都唔係第一名，阿嬌（鍾欣桐）都冇拖拍，點解佢唔係，我係（剩女）？」祖兒打趣說身邊追求者一籮籮：「數到Z呀！我樣貌端正，性格唔岩巉，身材fit添啦，唔擔心咁多，如果有個擔心樣會唔好睇！」

林峯讚鄭嘉穎超班

此外，林峯對於鄭嘉穎於劇集《拳王》中的演出遭網友批評，他力撐對方：「以演員嘅專業道德嚟講係超班，佢用盡方法保持狀態，好佩服。（被指唔尊重人？）同佢合作咁多套劇都OK，私底下好friend！」林峯表示未聽過嘉穎為避他而轉英皇旗下另一Label的傳聞。

採訪：音樂組