趙彤封宅男女神睇齊Baby

近年積極向主持界發展的趙彤（Yedda），除了多年來為內地電視台華娛衛視擔任扮靚主持人，去年她獲亞視邀請拍攝電視劇《親密損友》，未知是否該劇於近期放映，人氣急升，早前更獲內地電視台票選，打入十大宅男女神之一，而其他九大女星皆是城中美女，包括周秀娜、Angelababy、楊冪等。

跳入房產界

來自台灣的Yedda入行多年，一直專注演戲和主持界工作，今次被封為「女神」大感高興，她表示會在事業上更加努力，她說：「我真係冇諗過，多謝粉絲支持，以後希望做得更加好，（覺得做女神有咩條件？）我覺得每個女仔內外都好重要，自己唔覺得係咩女神，只係盡力做好自己。（點表現自己？）最近好多內地客戶請我做一啲關於房產嘅主持，同我以前做娛樂嘅好大分別，依家我會惡補呢方面知識，希望做到最好。」

獲封宅男女神的趙彤只求做好自己本分。	Baby	趙彤與衛視老闆Richard Lee一起做主持。

擇偶講孝心

至於感情方面，Yedda刻意保持低調，未肯正面談及自己有否拍拖，記者笑問她有否追求者？她說：「身邊好多男性朋友，不過我都當佢哋係朋友，冇咩太大感覺，（擇偶條件？）最緊要孝順父母，如果一個男仔冇愛心唔愛錫屋企人，就算幾有才華同財勢都唔得。」

文：呂曉風

攝：黃叔榮

場地：Zummer