Rosanne肚凸作嘔 有喜色
去年才為牙醫丈夫誕下一子的2R成員黃婉君（Rosanne），前晚出席活動時肚凸凸，疑似再度有喜！Rosanne對懷孕一事亦沒有多加否認，只表示未知道，更坦承希望為快將滿一歲的兒子添玩伴，看來Rosanne極大可能兩年抱兩！
2R成員黃婉君（Rosanne）與黃婉佩（Race）、模特兒Cara G.和未婚夫Jesper、馬清揚太太錢慧儀、歌手衞詩、泳兒等人前晚齊齊出席「Cle de Peau Beaute創立30周年慶典藝術展」，是次藝術展由品牌的形象創作顧問Alvin Goh及著名燈光雕塑藝術家Makoto Tojiki負責設計。當晚身穿貼身裙的Rosanne明顯肚凸凸，問她是否再度懷孕？她沒有否認：「未知，（追女？）囝囝就快生日，都想送個伴陪佢。」問Rosanne是否刻意追龍B？她說：「過咗今個月先知，（未夠三個月驚小器唔講？）唔知，有啲機會，希望啦，主要係想囝囝有個伴。」她又透露近日亦感到身體有些許不適，還嘔過一次，但就強調並非怕BB小器而不承認有喜。
Cara G.和好如初
而日前被本報獨家拍得當街爭吵的Cara G.和未婚夫Jesper，前晚被重提事件時，Cara就表示：「係呀，我嗰日好大壓力，因為忙搞新舖唔夠休息，所以向Jesper發洩，但唔嚴重，依家冇事啦！（係咪嬲Jesper唔幫手？）佢幫咗我好多。」Jesper則表示有幫女友手，並笑言自己會用幽默感來氹女友。問到二人會否忙到沒時間籌備婚禮？Jesper即取笑女友由12歲開始已諗定婚禮模式。
衞詩印尼行有阻滯
同場的衞詩就透露原本昨日跟姐姐衞蘭出發到印尼作慈善探訪，但因當地發生大地震而要延遲行程，她說：「我同家姐就快生日，諗住做件有意義嘅事，不過依家未去得成，但媽咪就會返香港陪我哋過生日。」
文：名人組