滕麗名拒交戲閃避娥姐

商天娥拍攝無綫劇《結．分＠謊情式》，月前已傳出因遲到及耍大牌，惹怒張兆輝，近日再傳與滕麗名及沈卓盈不和，眾人昨日拍攝煞科戲，鏡頭前若無其事，鏡頭後則真情流露。

商天娥激動回應她與滕麗名的不和傳聞。

張兆輝（右二）與林夏薇（右三）等一起為劇集拍攝煞科戲。

回應態度強硬

雖然扮演新娘的林夏薇指同劇演員相處融洽，商天娥又在微博與湯盈盈等演員合照留念，但滕麗名埋位前回應不和，卻擺出強硬姿態說：「我要搞（不和），幾套前搞咗啦！（同娥姐傾過報道？）唔覺得有嘢要傾。（約食飯？）我好少成班食飯，呢期又感冒。（同娥姐話不投機？）都冇傾過，連投唔投機都唔知，你當我又聾又盲又啞啦！」

大合照完，阿滕更九秒九衝落台，令傳媒無法捉她與商天娥合照，張兆輝一放飯即閃人，丟低娥姐一個在烈日當空下回應。

唔合作避是非

娥姐起初激動地說：「我係專業演員，只會做好份工，一切是非唔講。（聲譽受損？）絕對有影響！但識我嘅觀眾、同事會知真相。（同滕麗名再合作？）盡量避免，費事多是非，（劇集因不和而急停？）冇急停，一早定咗幾時完，我有咁大能力，去咗做高層！」娥姐謂與無綫九月約滿，暫未定去向，或到山區當義工，又表示已拒絕王維基邀請過檔，會以娘家無綫作首選。

此外，男子組合BOYZ成員張致恒回應被指翻追鍾舒漫，他說：「我同鍾舒漫都覺得好笑，我有新目標，但唔會講佢圈內定圈外，以前會追咗至算，依家會做好工作先。」

文：影視組