惠英紅溫情牌感動評審

影后惠英紅兩度獲封金像獎「最佳女主角」殊榮，演技毋庸置疑。今年，她再憑主演電影《武俠》入圍第三十一屆香港電影金像獎的「最佳女配角」，與同是影后級人馬如英皇電影《讓子彈飛》的劉嘉玲、《桃姐》的秦海璐，以及實力派的蘇杏璇和後起之秀《龍門飛甲》的桂綸鎂對戰，中、港、台實力派正面交鋒。

「個個都係勁敵」

惠英紅表示有機會再參與頒獎禮，感到相當榮幸，至於有否信心得獎，她說：「候選得邊個唔係勁敵，今次仲要四個都勁，劉嘉玲、秦海璐、桂綸鎂同蘇杏璇個個都係實力派，機會好平等。我同桂綸鎂都係以動作片入圍，雖然有指動作片喺頒獎禮比較蝕底。但用另一角度去睇，我咁年紀，喺電影入面以有限嘅篇幅做到咁多 嘢出嚟，有動作、溫情嘅發揮，反而會係一個大優勢，但唔知評審睇唔睇得出呢一點。不過，能夠憑動作片入選我已覺得係贏咗。」

「搵得我係畀面」

曾經當過「最佳女主角」，現入圍女配角提名，會否感到是一種倒退，惠英紅有自己的睇法，她說：「我覺得無所謂嘅，配角係一啲帶動性嘅角色，會引導成部電影嘅發生，依家好多導演同監製會搵我哋呢種年紀、呢種資歷嘅藝人去hold住成部電影，我覺得搵得我係一個畀面，你無咁嘅實力，無人會搵你做。我都係近呢兩年有人搵我去呢啲位置，我覺得好開心，每個藝人去到每個階段都有佢嘅價值存在，這才是演員最珍貴的地方。」

最佳女配角候選名單

惠英紅《武俠》

秦海璐《桃姐》

蘇杏璇《奪命金》

桂綸鎂《龍門飛甲》

劉嘉玲《讓子彈飛》

服裝、場地：Moiselle

文：影視組