渡海濠情：濠江新蒲點 龍會送禮送錢

喜好隨心意

睇吓龍會有幾架勢先，原來早喺半年前已花過千萬元裝修，負責人表示為顯氣派，喺兩層會所內安裝一部專用升降機，家陣人客踏入大門，可以連樓梯都唔使行直達K房，果然夠晒細心喎！但私家升降機都係其次，聽聞9樓大裝修已完工，由以往細房變成三間宴會房，樓底超過廿呎高，加上豪華裝潢，擺得落英式桌球仲有舞池區，用嚟開Party就最啱，之所以搞咁多大龍鳳，負責人解釋係希望人客喺貴賓房盡興喎！「以前入夜場來來去去都係唱K劈酒，太單調，為咗與時並進，龍會決定搞啲適合不同人客口味嘅活動，好似好動嘅玩家鍾意跳舞，鍾意靜啲嘅就篤吓枱波，最緊要空間感夠大，人客自然玩得開心！」

負責人話每晚坐底過百囡囡開工，眼見質素又OK噃！	Model莉莉話新場咁靚，感覺零舍開心，工作都投入啲喎！	欣欣表示，龍會晚晚有獎抽，更有過百萬獎金獎品等你拎！

靚女滿場飛

龍會大裝修，話時話使費係咪又轉嫁消費者身上先？「當然唔會啦，套票或Walk In客不但冇加價，更仲有着數過你添，由今日起惠顧指定洋酒，即有兩次抽獎機會。第一次抽獎係即場優惠，有機會係全晚全單免費，玩家任飲任食任玩，拍拍籮柚就可以走；而第二次機會係終極大抽獎，頭獎一名係五十萬港元龍會簽帳額，再加五十萬元洋酒禮券，總值成百萬，真係玩足一年都玩唔晒呀！」頭獎得一個，就算細佬晚晚龍會當屋企瞓都未必有機啦，好在負責人話二獎名額三名，都有三十萬現金簽帳額同潮流電子產品，而三獎暫定一百名，送洋酒、豪華套房及直升機票等，若然外界反應好，話唔定晚晚送都得喎！

龍會咁多着數優惠，晚晚爆房肯定走唔甩，問題係囡囡數目夠唔夠招呼人客先？負責人就話年頭已開始招兵買馬，由依家開始，每晚坐底百幾囡囡開工，過半數仲係Model級，咁至滿足到人客要求喎！就現場所見，呢班囡囡的確索到爆，好似眼前呢個莉莉同埋欣欣，樣索架生齊唔在講，原來返工前仲接受過培訓，篤波跳舞無一不精，連細佬都唔捨得走呀！

莉莉Profile

三圍：34-24-33

身高：5呎5吋

欣欣Profile

三圍：34-22-33

身高：5呎6吋

撰文：祖 攝影：程