馬浚偉除在圈中有三個靚靚契妹外，其實亦有三位要好兄弟：麥長青、楊天經和林敬剛，與他相知相交多年，不時私聚。他表示大家的情誼多年來慢慢累積，情如親人。
「我同麥長青好深交，02年我哋一齊拍無綫劇《洛神》而熟落；楊天經7月就結婚，當然有請我飲，嗰時我應該喺北京拍緊另一套內地劇，但我無論如何都會度期返嚟飲天經嗰餐，仲要做『戥穿石』！至於另一位深交係林敬剛，我同佢哋三人嘅相交未必個個知道，但圈中人成日話『娛樂圈冇真感情』，我就認為我哋打破咗呢樣嘢，只係嗰啲講呢句嘢嘅人未遇到可交心嘅人，或者佢哋唔願意將個心交出嚟同人哋溝通。其實，藝人唔一定係『偽人』！」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
