霆鋒科大開Talk：畀人剝光豬

年僅31歲的霆鋒早在事業上撈到風生水起，除了去年獲公司英皇以三億簽八年的天價續約，他在九年前與拍檔合資搞電影及廣告製作公司「PO朝霆」，每年營業額逾億，旗下有過百名員工，成就非凡。

宣傳單張竟誤把霆鋒名字Nicholas串錯成Nicolas。

霆鋒成為MBA教材，家人亦替他高興。

宣傳單張串錯名

大約半年前，「香港科大商學院」力邀霆鋒出席本月十九日的Asian Leadership Series講座，以CEO身份跟學生分享成功之道，而霆鋒更成為全日制工商管理碩士（MBA）課程教材。

科大日前已將此宣傳單張給學生內部傳閱，上面印有霆鋒穿上西裝的帥哥Look，有粉絲更即時把訊息放上網，不過單張上發現學校誤把霆鋒名字Nicholas串錯成Nicolas，大擺烏龍。而身在北京開工的霆鋒，表示近日有上網參考其他講座，雖然還未寫好講稿，但他打算講座以開放式，歡迎發問，問到心情如何？他說：「緊張過拍跳樓戲！就算開公司，孭住過百員工要追業績，我都未試過咁緊張，但今次我竟然失眠。」

能夠被選中為MBA教材，霆鋒更感壓力：「責任更加重大，壓力好大，面對台下眾多比自己更有學問、更有知識嘅人，我喺台上講嘢，好似畀人剝光豬咁，由答應之後，我心情一直都好忐忑同緊張。」

問感情唔怕答

問到霆鋒有何準備？他說：「到時我會做番自己，大家一齊成長，分享經驗。希望氣氛好似聚會咁，我諗住會有Q&A時間，你問我答。（你唔怕被問你嘅感情事？）佢哋花咁多錢同時間讀MBA，唔會咁八卦嘥時間嚟問呢啲嘢，如果佢哋真係咁八卦，我怕咩答！」他表示不會帶埋囝囝看講座。

微軟創辦人蓋茨早年也曾被邀到港舉行盛大講座，當年港大、科大等校的校長均參與其中，霆鋒直言以對方為目標，認為自己不算有太大成就，就被邀出席講座，感到十分榮幸。

文：專案組