劉心悠攬Chilam痛哭

劉心悠和Chilam日前深夜繼續為電影《天生愛情狂》於九龍塘街頭開工，當晚拍攝二人嗌交後，心悠投進Chilam懷抱痛哭的戲，亦是心悠的煞科戲，故電影公司老闆蕭定一特地帶香檳前來探班兼慶祝，心悠對煞科感到非常開心及不捨，並感謝劇組的照顧。

轉軚睇緣分

當晚心悠因為要拍攝喊戲，故未埋位時她則獨坐一角培養情緒，原本愁眉苦臉的她提到緋聞男友鄭嘉穎時即甜笑，但她起初強調兩人發展機會等於零︰「冇呀，娛樂新聞就係畀大家笑吓，依家唔會有發展機會，我唔想畀人覺得大家有機會，呢啲睇緣分。」其後她又轉口風，坦言將來的事沒有人可預知，她說︰「要睇緣分，感情係要有感覺，圈外圈內人都冇所謂。」問到傳緋聞後會否怕嚇退追求者，心悠則說︰「冇乜好驚，感情事都係順其自然。」

當晚拍攝二人吵鬧及痛哭擁抱的鏡頭。

葉念琛（左起）、田雞、心悠及蕭定一開香檳慶祝。

獲粉絲餵飽

至於Chilam則表示自己還有一日才完成拍攝，希望其後有機會與全個劇組和演員飯聚，而導演葉念琛則表示會繼續每年拍攝不同題材的愛情片，並透露現正洽談幾部電影。另外，Chilam近日拍畢《天》片後，抽空與影迷於白石搞BBQ聚會，期間巧遇在該處打波的曾志偉和苗僑偉，今次的聚會吸引來自泰國、北京及上海的粉絲前來，並為偶像準備零食，難怪Chilam笑謂︰「佢哋梗係知我為食啦。」

文︰專案組