星爺：唐唐平常心唔使安慰
行政長官選舉昨日塵埃落定，演藝界各選委本身雖各有心水，但現在同一口徑希望下屆特首梁振英（CY）多為演藝事業出力。對於落敗的唐英年眼濕濕，好友周星馳表示不用安慰他，指他一向平常心面對。
梁振英昨日擊敗唐英年成為下任特首，演藝界選委各有回應。一直視唐英年為好友的周星馳大方接受選舉結果，希望CY可與演藝人開會討論：「邊個都好，大家都應該支持同團結。（點睇CY？）要畀多啲時間睇，要客觀啲。（有冇人施壓？）冇！睇晒三個人政綱，投票純粹個人決定。」不過星爺拒透露選了誰，至於如何安慰唐唐，他說：「唔需要，佢不嬲都平常心面對。」他亦支持2017普選特首。
要移民走係錯
曾批評唐唐「智商比較弱」的譚詠麟（阿倫）昨日在新碟簽名會中拒透露選了誰，但接受結果：「未來香港需要正能量。（覺得結果點？）OK，CY夠硬淨，香港局勢呢排咁混亂，需要強勢政府。（好多人驚太強硬。）傳媒有監察力，佢都要落實方案，拉近貧富懸殊，香港人都要自強！」他指曾志偉曾與CY見面，認同對方提出有關演藝界的計劃，問到演藝界代表是否決定一致？阿倫說沒有討論過，亦沒有人向他施壓。對於有人提議移民瓦努瓦圖，他笑說：「拜拜！覺得唔安心就走啦，不過香港係樂土，走係錯！」
多位電影界唐營支持者昨早相約早餐交流意見，影協會長洪祖星拒透露眾人結論，但共識是「會話支持贏嗰個」，他不怕CY上場後打擊演藝界：「始終電影製造就業機會同旅遊業，但我哋唔止要錢，仲要政策。」同樣不透露支持誰的徐小明對CY有期望，希望他多幫助電視界。至於吳思遠以選舉已完，不作評論。
秋生已送恭喜
另邊廂，挺梁的演藝人自然高興，選委高志森表示其組別一致支持CY，大讚他較務實，會否怕CY太強硬？他說：「香港人咩都驚定先，畀啲時間睇，冇理由擔心啲假設嘅嘢。」身在台灣的黃秋生表示已透過友人恭喜CY，會否幫他手？秋生說：「咁多奇人異士點輪到我？大家交流意見啫。（佢選票低？）當年董建華夠高啦，有用咩？」肥媽亦力撐CY來自基層更了解民情。
文：影視組