藍莓爆E撐「舊愛」

林建億（Chester）曾與不少圈中女藝人傳緋聞，其中包括「藍莓」劉俐和o靚模「爆E超蓮」鍾采羲。藍莓昨日在電話中否認二人拍拖，只稱是認識多年好朋友，更不信他會在天明婚宴上搗亂：「我知佢同周家蔚拍過拖，但嗰晚我冇去，唔知係咪Chester唔小心潑咗水去家蔚條裙度，定抑或有人誇張咗？我識嘅Chester鬼仔性格，傻傻哋，可能嗰晚悶上去玩吓啫！」而「爆E」昨在電話中說：「我哋英國讀書就識，我唔信佢會不請自來，佢個人好Nice，既然Party上咁多人，多佢一個唔多，（天明鬧佢唔要面周圍溝女？）唔係囉！總之我維護我好朋友！」而當晚與Chester齊齊赴會賀周家蔚的莊思明則說：「佢同我講同家蔚親戚好熟，我唔知佢係咪不請自來。」