錢嘉樂「醉」無知 Toby：知有人不請自來
家蔚前度於婚宴踩場令天明躁爆，身為姊妹之一的梁靖琪（Toby）昨坦言曾聽聞：「我嗰晚做司儀，冇目擊件事，不過事後聽到有人不請自來，但實際發生咩事我就唔知！」不過，其他大部分的出席者也似乎未知實際情況，另外，當晚任兄弟的謝天華則稱不知情：「睇唔到呢個場面，嗰晚個個都咁開心，家蔚嗰晚都好正常！」有份去飲的李思欣昨得聞事件後大表愕然：「咁誇張？我完全唔知亦冇聽過！」
身為兄弟之一的錢嘉樂自言一早醉了未有目擊事件，事後亦未聽天明提起，相信不是太大件事。而前晚他錄影《五覺大戰》時被問及在天明婚宴上遭眾人逼婚，他說：「都係獎門人（曾志偉）逼，會計劃吓，會盡快，都係玩啫，開心事嚟嘅。（婚期提前？）跟原先計劃啦！」嘉樂女友湯盈盈亦說：「係都唔奇，家蔚咁靚女，天明幸福啦！」
