葉德嫻前晚戴上Van Cleef & Arpels贊助約三百萬的首飾，出席《桃姐》慶功，她妙語連珠的說：「套首飾係借嘅，我邊有咁多錢，我偷就得！部戲票房接近二千萬，好開心唔使蝕，深情片有咁嘅成績好感恩，觀眾餓呢類片種太耐。（會拍前傳？）我扮後生好核突，搵更好嘅演員拍啦，我見好就收。（金像獎有信心第六度封后？）平常心，日前我食咗半件朱古力餅，仲飲咗兩匙羹拔蘭地，慶祝我攞咗亞洲電影大獎嘅影后。」
