樂壇新人陳僖儀昨日為宣傳處女大碟《Crazy Love》接受電台訪問，陳僖儀表示主打歌《忘川》由她本人親自作曲。陳僖儀開心地說：「好多謝公司，第一張碟就有一班咁強嘅製作班底。有雷頌德、側田，大家得閒時候都會打機、吹水，相處得好開心。」至於問到送甚麼禮物給老闆薛嘉麟作婚宴賀禮？陳僖儀笑說：「送咗啲包裝得好靚嘅女仔嘢畀新娘，仲送咗心意卡。」
