Monna拒援交急撇老外
有「混血E神」之稱的林宜芝（Monna），早前以拋胸打扮約日本人氣索模梨衣名於銅鑼灣結伴行街，品嘗街邊美食，迅即吸引外籍遊客以問路為名，力邀兩人陪行街同玩，嚇到她們急急腳避走。
性感o靚模「混血E神」Monna，不時拋胸晒本錢，早前她穿上厚毛毛領外套出現銅鑼灣，忽然中門大開，低胸襯衫之下相當有睇頭，火辣上圍逼到爆，Monna與一模特兒外形的索女並肩站在小食檔前篤魚蛋，吸引不少途人眼望望。
兩人食到嘴擘擘之際，一名年約30多歲，頸上掛着相機的外籍遊客瞄中兩人，主動上前搭訕，只見Monna面露不悅，但女伴卻不停地向遊客微笑、點頭及鞠躬，未幾遊客手口並用，動作多多地向兩人說話，只見Monna面色一沉，更極速拉女友離開，到附近涼茶舖等助手陪同離開。
同行日模EQ高
記者好奇上前打聽發生何事，Monna先主動介紹身邊的女友是日本模特兒梨衣名（Leena），適逢有工作來港，自己一盡地主之誼陪對方行街，Monna直斥剛才的遊客以問路為名，別有用心，她說：「佢先係問路，跟住問我哋有冇興趣一齊玩，嚇死我，真係想鬧佢，乜我哋似援交咩？Leena真係有日本人嘅修養，佢完全唔嬲，處理得好淡定，相比之下我嘅EQ就低好多嘞。」
文、攝：追蹤組