陳偉霆神龍附體 禁阿Sa睇
陳偉霆及詩雅昨日出席英皇電影《紮職》宣傳，為配合角色，陳偉霆紋了一條足足有半邊身大的龍，可惜女友蔡卓妍未有機會過目；而處女下海紋身的詩雅則笑言只要夠靚仔，即使紋身師傅是男性也不介意！
英皇藝人陳偉霆（William）與詩雅，昨日與溫碧霞（Irene）出席英皇電影《紮職》宣傳，詩雅與Irene齊穿tube dress亮相，William則密實西裝look赴會。飾演蠱惑仔的William透露日前試造型時紋了一條有半邊身大的龍，並謂每次拍戲前都要花三小時補色。問到有否給女友蔡卓妍過目？William說：「冇！得試造型啲人睇過！」William又指在戲中會遭Irene毒打。談到獲邀拍三級片，William指由於對題材及內容零知識，暫沒興趣；問到是否女友介意他拍裸露戲？William則說：「唔係，但擔心影響形象！」
溫碧霞等爆粗
至於戲中飾演William女友的詩雅，亦因劇情需要紋身，記者打趣問若紋在胸前怎辦？詩雅笑謂：「要叫導演諗清楚！（若紋身的是男師傅怎辦？）睇吓靚唔靚仔咯！」詩雅又指很期待遭Irene掌摑：「未試過嘛！摑人反而大壓力。」而飾演社團大家姐的Irene指角色有不少粗口對白，平日陰聲細氣的她坦言是新嘗試，還笑言不會刻意對着老公練霸氣。
文：影視組