千嬅佗B骨痛 與陳慧琳交換湊B經
懷孕六個月的楊千嬅昨晚挺着巨肚出席「第36屆香港國際電影節」開幕典禮，同場還有余文樂。提到Kelly細仔小龍包「新鮮出籠」，千嬅興奮表示：「我零舍feel到懷孕尾段真係好辛苦、好緊張，腰骨又痛。見到之前Kelly都仲有送蝦餃仔返學，真係好犀利。」她又稱之前透過公司與Kelly交換湊B經，感激對方教她如何添置BB用品。余文樂則擺烏龍恭喜Kelly得「龍鳳胎」，經記者糾正後才說：「咁要快啲追個女。」
另外，譚詠麟和張學友昨晚出席洪天明和周家蔚婚宴，得悉Kelly再為人母後大講恭喜說話，阿倫更搞爛gag：「個仔係咪叫『燒賣』？叫佢出年再嚟過啦！（但Kelly話收爐。）咁早？（咁你生吖？）唔好傻啦！」問學友會否傳授生仔秘方給洪天明和周家蔚？學友笑說：「我生女喎，叫Kelly教啦！」
