法拉寸諸葛：拍民初劇咩！

Marie出嫁大陣仗，排場被指如王妃一樣。向來與Marie傳不和的法拉出席品牌開幕活動，她指對方婚禮當日有工作在身，只會出席晚上飲宴。問會否坐主家席？她謂：「唔清楚，佢哋安排。（如果斟茶畀你飲唔飲？）假設性問題唔答。」

諸葛踢爆薛嘉麟為婚禮游水keep fit。	童心未泯的諸葛最愛麵包超人，大部分氣球由日本訂製。	諸葛坦言想薛嘉麟扮麵包超人行禮。

對於Marie被冠以「薛王妃」，問法拉覺不覺對方地位會提高？她說：「做人唔係為地位，最緊要做好自己！（係咪廢除諸侯制度？）係，拍緊民初劇咩！（抗拒做王妃？）拍劇唔介意。（現實生活呢？）我努力工作，喺社會得到安穩位置，自己清楚就得。」

想做薛大少奶

記者指Marie亦被稱「主席夫人」，法拉即以「好暈」來形容對方有太多稱號：「名銜唔重要。（唔使封后封妃？）哈哈！唔使，個個都叫我做法拉。（薛大少奶？）遲早有人會咁樣叫，希望嚟緊嘅古裝劇咁樣叫我。」

另外，下周二（二十日）下嫁Neway主席薛嘉麟的「薛王妃」Marie，為了籌備盛大婚禮已全面停工。昨日第二輯婚紗照曝光，當中大部分以Marie最喜愛的日本人氣公仔「麵包超人」作主題。

麵包超人陪嫁

Marie透露拍婚紗照場地有很多從日本訂回來的麵包超人氣球，起初以為是攝影師特意安排，並向「主席」撒嬌：「睇吓人哋幾有心思，專登訂番嚟！」誰知原來是「主席」一番心意，Marie得悉後即補鑊讚他有心思，但她自認硬頸，不會道歉。

問到「主席」會否在婚禮以麵包超人造型示人？Marie說：「唔知呢？」她又稱花車、花轎及姊妹團都會有麵包超人公仔或飾物，並指兄弟、姊妹團共八人，加上一對新人，寓意十全十美。

文：名人組