浩民搞百日宴 陳嘉桓拒賀

早前陳浩民涉在內地醉攬陳嘉桓而要舉行記者會哭崩認錯，近日浩民及Rose師傅冼國林各自為女兒舉行百日宴，更只相隔兩天，認真有緣！心情大靚的他們互送祝福，祝對方的BB女身體健康及快高長大，似已忘記舊事；不過Rose仍未放下心結，昨日出席活動時被問到浩民為囡囡搞百日宴，她表現冷淡並急轉話題，表示已送BB衫給師傅女兒，再問會否送禮給浩民？她斷然說：「唔會！（祝賀佢？）都唔會！（冇聯絡？）係！想專注番自己工作。」

陳浩民的B女得意可愛，難怪人人爭住抱。	浩民為B女舉行百日宴，獲多位圈中好友撐場。	陳嘉桓昨日坦言不會向陳浩民送上祝福，似仍未放下舊事。

圈中好友齊撐場

浩民與太太蔣麗莎大前日為女兒在迪士尼樂園酒店舉行百日宴，並在微博上載照片，除有卡通蛋糕為B女賀壽，圈中好友歐陽震華、鍾鎮濤、麥長青及洪天明與未婚妻周家蔚等亦有出席。期間，浩民帶女兒見傳媒，只見B女跟媽咪很似樣，十分精靈，笑晒口的浩民表示兩家人將到峇里島旅行慶祝：「我成日都幫手湊女同換片o架！（送咩畀囡囡？）12生肖金牌，希望十幾年後會升值啦！（再追個龍仔？）會再生，但唔係今年。」他表示旅行後會到台灣出唱片，問到是否放棄香港市場？他說：「唔係呀！我好靠香港，個女都喺香港出世啦！」

此外，Rose昨日與師兄杜宇航到老人院與一眾「老友記」玩遊戲，兩人透露將拍電影《葉問終極篇》，講述葉問晚年在港教詠春的事迹，現時劇組正在搭景，更齊笑言找師公葉準出山飾演葉問。

文：影視組