薛芷倫撞車有驚無險

Ball后薛芷倫(Fanny)昨日發生小意外,幸有驚無險。昨日約下午一時多,Fanny駕車途經灣仔福臨門附近時與電車發生碰撞,一度令兩條電車線癱瘓,並驚動警方到場處理,幸好Fanny只是受驚,並無受傷,之後她到警局落口供,並駕駛另一部車回家。

另外,前晚Fanny以低胸爆乳裝現身大型派對,現場有英國流行歌手Leona Lewis表演,問她喜歡Leona還是Lady GaGa?她笑言:「我鍾意麥當娜多啲,不過我都有買GaGa嘅飛,應該唔係炒飛,唔好助長呢個風氣。」Fanny又主動澄清有關她跟前夫馬清偉在鍾鎮濤生日會上吵架的報道:「我哋冇鬧交,離婚後都冇嘈過,(融洽咗?)因為唔係成日見,摩擦當然少咗,都係做番朋友關係好啲。(係咪復合?)唔係呀嘛!不如問我幾時拍拖好過啦!我自己等到頸都長。」