黃穎君自家袋創出商機
2010年度工展小姐冠軍黃穎君（Burmie），果然有生意人的頭腦與拚勁，去年就讀大學二年級時，與同學合資經營自家製手袋皮具生意，小小年紀已懂得抓緊每一個商機。
Burmie回想當初一鼓作氣搞生意，她說：「當時膽粗粗與男同學合資搞自家製手袋皮具生意Karma Vintage Archaic，最困難係點樣打開知名度，後來諗到透過facebook同埋主動向啲打扮得夠潮嘅同學派卡片，話畀佢哋知我哋呢檔生意，結果成績都幾好，每個月都有穩定生意額，仲有好多返頭客，我都幾滿意，情人節我哋仲度咗好多新design，反應都幾好呀！」
Burmie感激上天眷顧她的創業路，她說：「以前成日覺得創業難，但做上手又發現唔係咁難。雖然我要兼顧讀書、做司儀及生意，但好多謝合夥嘅同學仔幫輕咗好多。暫時都好滿意生意發展，未有貪心諗住發大嚟搞，按部就班慢慢嚟啦，我希望有朝一日可以完成夢想，開間cafe做老闆娘。」