陳靜高兩Cup 剝贏道端妹
擁有33D逼爆上圍的o靚模陳靜（DaDa），昨日首度為日本時裝界盛事TGC擔任嘉賓模特兒，與當紅混血女模道端Jessica妹妹、33B身材道端Angelica以性感比堅尼硬撼，爆乳出場的DaDa，邊行邊剝去身上襯衫，引得全場歡呼，以高兩「Cup」震撼全場。
【潘琳東京直擊】有「o靚模咪神」之稱的陳靜，昨日到日本橫濱競技場，為日本時裝界盛事「Tokyo Girls Collection 2012 Spring/Summer」（TGC）擔任嘉賓模特兒，與多位日本人氣女模渡邊知夏子、長谷川潤、道端Angelica及土屋安娜等同場行騷。
TGC於下午3時開騷，抱病飛往當地演出的DaDa，前一晚因身體不適沒有綵排，故昨日上午7時提早前往會場作準備，休息一晚後，她精神明顯好好多，為免有肚腩影響演出，她只吃生果來充飢。DaDa更獲大會安排與日本當紅女模長谷川潤及Elli Rose用同一化妝間，可見備受重視。
辣慶全場歡呼起哄
開始時DaDa先穿上雪紡花花短裙look現身，由頭到腳都布滿花花飾物，十分飄逸。至中段，DaDa再換上藍色比堅尼配牛仔短褲出場，愈戰愈勇的她，邊行邊脫去身上襯衫，更不停扭動身軀，大晒逼爆身材，全場觀眾即時起哄歡呼。同樣以性感比堅尼上陣的F1賽車手畢頓女友混血索模道端Jessica妹妹、擁有33B上圍的道端Angelica，論外形雖然比DaDa高挑，但身材卻低兩「Cup」，難怪不及DaDa起哄。
事後DaDa接受訪問時，被問到「胸贏」道端Angelica，她謙虛地說：「之前的都有與Angelica同場，覺得佢好有魅力同味道，雖然好多女仔都靚過佢，但佢個樣好特別。（覺得自己靚過佢？）唔覺，不過每個人都有自己優點，我豐滿啲，較有肉地，佢就高過我，腳又長過我，我唔係super model身形，唔會追求好瘦，以健康為原則，要有自己嘅style。」
完騷後，有黑人攝影師主動要求拍照，怕醜的DaDa最後豁出去任影。另外她表示：「最開心係有紐約記者訪問我，原來我呢種類型有唔同市場鍾意。」