李小璐抵冷晒胸 霍思燕誇張騎呢
內地女星近年在國際大放異彩，時裝騷亦不時見到她們蹤影。巴黎時間二日的Dior時裝騷上，有不少內地女星捧場，包括張雨綺、李小璐、霍思燕、「龍女郎」林鵬。當中以李小璐最為性感，無懼數度低溫，穿上tube dress，酥胸半露十分有睇頭，更疑似露點，搶盡亞洲女星風頭，成為全場焦點。
反觀霍思燕濃妝打扮，戴上誇張帽子，配全黑套裝，顯得騎呢。另外，第二次到巴黎睇騷的張雨綺，喱士連身裙加毛毛披肩，十足貴婦打扮。張雨綺表示：「之前都有去北京睇Dior騷，我大概會留喺巴黎數天。」然後匆匆入場。
