諸葛：搵人都買唔到
Lady GaGa首度來港開騷，明星名人齊齊熱捧，各出奇謀搶票，可惜一票難求，不少人失望而回。
諸葛紫岐：我今日搵人去買都買唔到，我知道出面最貴飛已經炒到$3,600，但始終買黃牛飛係犯法，所以依家都諗其他方法去撲飛。
江若琳：我已經託咗人內部訂飛，不過到依家都未有消息！好彩我有個朋友星期一會去排隊買飛，我已經託咗佢幫我買兩張，希望佢買到啦！
楊汀叮：好彩我識人，一知佢開騷即刻託人內部訂飛，我一口氣訂咗廿幾張，因為太多朋友託我幫佢哋買，今日都仲有人call我話要加飛，但我已經拒絕咗。因為訂咁多張實畀人cut飛。
琦琦：我個女好鍾意GaGa，我尋晚開始打電話，打足兩個鐘頭都打唔通，真係冇晒方法！
歐陽妙芝：我囝囝好喜歡GaGa，但到依家都未搵到飛，真係唔知點算！我老公依家諗緊其他方法。