曾咏高人一等被當怪物
模特兒曾咏（Winnie）自小性格很男仔頭，不愛扮靚，但入行後就令她改變很多，變得較為女性化之餘，更成為名副其實的鞋癡。日前她為意大利鞋履品牌Gianvito Rossi擔任模特兒時表示：「我好鍾意鞋，乜色乜款嘅鞋都有齊，仲專登搵專人訂造特別鞋櫃，計埋成過百對！」她續說：「工作多數着高跟鞋，但平時就着平底鞋，因為唔想再高人一等，試過着高跟鞋出街，全程被人由頭望到落腳，好似個怪物咁！」
Winnie說最瘋狂一次，係兩年前喺巴黎一口氣買六對鞋：「媽咪唔知我買得咁癲，因為我細個根本唔扮靚，媽咪都諗唔到我會變咗個鞋癡，否則被佢鬧死！」而她新年時相約一班好友到泰國旅行，可惜落足四日雨十分掃興，惟有日日食同瞓兼按摩！