高海寧遭怪客入侵撩隻揪
昨日高海寧、蔡恩真、趙哲妤及Madi Ross等為婚紗展擔任模特兒，其中高海寧自爆近日微博遭怪客入侵，令她不勝其煩：「有個人話夢見我係九陰真經傳人，要求同我隻揪，一日留幾十個留言，我覺得好騷擾，就向微博嘅人反映，但佢哋叫我私人解決，否則就報警，有人教我封鎖佢，但佢不停改帳號再留言，不過有好多fans都有出聲支持我，所以呢兩日佢冇乜動靜！（最近有冇得罪人？）冇喎，我性格咁就得人。」
而同場的蔡恩真被問到早前被拍得一光頭男子護送她回家？她解釋當晚自己酒醉：「嗰晚有朋友生日，我飲醉咗，嗰個男仔住我附近，所以佢先送埋我返屋企，佢唔係追我，我依家係單身。」她謂會控制酒量，因為被拍得醉態很不雅。
