蔡卓妍收禮講心唔講金
情人節將至，男士們如何安排一個令女朋友驚喜又浪漫的節目？聽聽女士們的心聲，想男友如何締造一個完美的情人節，當中花、朱古力及燭光晚餐不能少。蔡卓妍就要求男友所送的禮物是親力親為，還要拍片為證，以示真誠。
時裝騷
蔡卓妍 最緊要夠誠意
「情人節一定要送禮物，份禮物唔在乎價錢，最好係自己整或者搵得好辛苦，重點係要將整個過程拍低。」
Amanda S. 自製蛋糕至冧
「如果我係男仔我會親手整個蛋糕畀女朋友，因為女仔一定鍾意食甜品。」
周麗淇 情侶齊齊慶祝
「我提議如果拍咗好耐拖嘅男女朋友，不妨試下幾對情侶喺情人節一齊慶祝，應該會幾熱鬧。」
Janice Man 訂餐廳自家下廚
「如果我係男仔，我會訂一間餐廳由自己布置同下廚，我覺得比起去一間好靚嘅餐廳食餐名貴嘅飯仲有誠意。」
大埔超級城《全港至尊摩登大妗姐比賽》
趙梓淇 送盆栽頂住檔
「一定要送花！但喺情人節買花太貴，好唔抵，可以送盆栽都得。同埋會Book一間對住海嘅餐廳，聽住音樂食西餐。」
汪圓圓 朱古力同花必備
「一定要有花，因為每個女仔都鍾意收花。同埋朱古力，夠晒甜蜜。同埋我會揀一間有特別意義，或選一間浪漫嘅餐廳食飯。」
愛護動物協會活動
Rosemary 最緊要有創意
「如果我係男仔，我會為女朋友做啲平時唔會做嘅嘢，一定要有創意！例如製造驚喜畀佢，唔會咁普通。」
傅明憲 玩遊戲刺激佢
「要令對方畢生難忘，會安排佢跳笨豬跳或是跳傘之類，咁刺激佢一定唔會忘記我啦。」
BMW揭幕派對
Jocelyn和老公Anthony心想為對方預備的浪漫情人節竟然完全一樣，果然心靈相通。
Anthony 親手整禮物
「佢唔鍾意啲好物質嘅嘢，反而鍾意我親手整畀佢嘅禮物，一定要有心思同心意，亦希望當日能為老婆親自下廚。」
Jocelyn 屋企煮燭光晚餐
「平日我哋成日都喺出面食飯，好少機會喺屋企煮嘢食，情人節當日我準備為佢煮餐燭光晚餐，炮製佢最鍾意食嘅海魚，仲會親手整朱古力同雪糕畀佢食。」