陳鈺芸自食其力搞製作
創作歌手陳鈺芸（JuJu）兩年前自資以6位數字開設多媒體製作公司，專責製作廣告、設計網頁、統籌活動等等的工作，由於JuJu有位跨國公司主席的父親，外間都不免認為是爸爸打本給她做生意，問到JuJu事實是否如此？她即緊張澄清說：「唔係！開公司嘅錢係我早前打工儲番嚟嘅，因為我唔想靠屋企人！」
凡事親力親為的JuJu，實行一腳踢，任何崗位的工作都不怕辛苦照做，她表示：「我嘅第一單生意就是去內地嘅貧窮村落拍攝環保短片，當時我係主持亦係導演，每朝清晨5、6點就起身拍攝，期間更要影我親自擔泥上山種樹！」JuJu笑言拍攝完畢後更曬黑了不少。
談起日曬雨淋的辛酸史，她透露三日三夜不眠不休的辛苦經歷：「去年7、8月，公司要負責幾個大型活動嘅統籌，客人指定要我做設計師，專責平面設計，咁啱嗰時我又要錄歌、拍MV，結果我連續三日冇瞓！」其專業態度當真令人欽佩！