單拖撐許冠文 梁小冰與夫關係不變

前晚許冠文（Michael）在文化中心舉行慈善棟篤笑，吸引不少名人明星支持，並籌得120萬善款。最近傳婚變的前港姐梁小冰往捧場，她表示與丈夫陳嘉輝關係「一切不變」，被拍到當街拖男友人王志海（Brian）只是正常社交：「嘉輝都識佢，我哋係學戲同學，係咪見我演古裝戲多以為我係古代人，唔可以有朋友？我喺內地不時同人唱K，只係香港傳媒太敏感。」但她拒答是否返外家及兒子有否不開心。
梁小冰碰上高志森與白健恩，齊捧許冠文場。
梁小冰碰上高志森與白健恩，齊捧許冠文場。

當晚Michael寸盡政府高官及時事，又大談男女感情，並爆已故弟弟許冠英搭飛機要服鎮靜劑，他提起阿英時不禁哽咽：「本來有好多講佢嘅嘢都cut咗，怕笑唔出，阿Sam（許冠傑）就嚟開騷都話唔慣，幾十年第一次少咗個人。」他又指所有影帝都沒有離婚，因為識氹老婆，並呼籲觀眾祝福霆鋒及栢芝。

許冠文搞慈善棟篤笑，寸盡政府高官。
  • 許冠文搞慈善棟篤笑，寸盡政府高官。