黎明翹埋手 情人節等開餐

後日就是情人節,一向不愛談私人事的黎明,竟一反常態,大方透露已為太太樂基兒(Gaile)準備了情人節禮物,當晚留在家等老婆煮飯仔,對於Gaile屢傳「有喜」,黎明則坦言心急等個好劇本多過生BB。

昨日黎明以「聯合國兒童基金香港委員會大使」兼委員身份,出席《小畫家大夢想繪畫比賽》為小參賽者打氣,Leon表示小時候在老師推動下亦有參加繪畫及朗誦比賽,更曾在朗誦比賽中奪金,唯獨歌唱比賽屬自發性決定。

當爸順其自然

至於最近太太樂基兒被再傳有喜,問到Leon何時決定當爸爸?他說:「已經接受娛樂圈嘅新聞模式,我就順其自然啦,(大家戥你心急?)係你哋急啫,我唔急,急都急唔嚟。」Leon又笑言暫時比較心急有好劇本,心情大好的Leon再被追問心理上是否已為生B作好準備?他就說:「唔好意思,編造新聞、交料我唔識,我係實事求是,唔叻做新聞就最好唔掂,要有(BB)就自然有。」

提到情人節將至,問Leon如何慶祝?他即調皮耍太極表示活動後即飛上海,但後日就回港,他說:「都係食飯啦,唔會出街,(兩個人煮飯仔?)點會兩個人,佢煮啦,唔好叫我。(買禮物未?)未買,不過前幾日睇咗套戲,裏面有份幾得意嘅紀念品會去買,(咩嚟架?)頸鏈啦(鑽飾?)送畀女人嘅嘢未送就講晒出嚟就冇意思,做藝人有時好尷尬,唔識答男女感情嘅嘢。」

採訪:音樂組