林峯不捨六嬸 馬浚偉：功不可沒
林峯曾經得六嬸（方逸華）親提十二字真言作鼓勵而重拾信心，得寵的他昨日得聞六嬸退位，他在電話中說：「六叔、六嬸咁多年將無綫搞得好好，佢哋陸續離開，我當然唔捨得，相信接任嘅老闆亦可以將『新朝代』嘅無綫搞得有聲有色！」
而獲六嬸點名挽留的馬浚偉正身在橫店拍劇，但得知六嬸退位，馬浚偉昨日在電話中說：「六嬸畀我嘅印象好有修養，成日笑，好錫藝員，最近我返無綫傾嘢都有同六嬸碰面，佢都有同我點頭，至於係咪點名留我，我都係當傳聞咁聽，但六叔同六嬸對香港電視業功不可沒，佢哋喺電視界嘅地位無人可取代。（有冇影響？）我只係演員唔識評估，總之希望六叔、六嬸都身體健康、開心。」
