熊黛林龍年恨嫁 冇碇擺酒

【林淑汶澳門直擊】前晚內衣品牌Victoria's Secret於澳門的新店開幕，其中熊黛林谷胸上陣，表示喜歡穿喱士的內衣，認為夠性感。問到元宵佳節如何慶祝？她說：「同朋友，（有冇城城份？）成班朋友啦，（打邊爐？）好耐冇打，熱氣呀，佢呢排都食少咗，因為新年食咗好多好嘢。」

唔想孤單一個人

問到買了情人節禮物沒有？Lynn指城城甚麼都已擁有，很難抉擇，記者笑言他還欠一個老婆？她聽罷即撒嬌說：「咁我幫唔到佢，要佢自己諗。（有傳你哋六月結婚？）我都覺得奇怪，遲啲先啦，（想唔想做龍年新娘？）唔會抗拒，不過如果我話好想，其實啲酒席都full晒，今年有太多人結婚同生仔。」記者問到是否已跟城城有共識？她續說：「冇認真諗，不過都唔想身邊朋友個個有晒小朋友，我自己一個人孤單。」她又謂他日結婚也不會秘婚，認為平日拍拖已經要低調，結婚希望能得到世人祝福！

郭富城	何佩瑜將到日本發展歌唱事業。

林莉驚變爛茶渣

同場嘉賓還有模特兒林莉、何佩瑜、李蘢怡等，其中林莉坦言心急拍拖：「最近見到好多人結婚生仔，自己都好恨，人哋話屬猴今年旺桃花，我自己都要主動啲出擊，唔想變爛茶渣！」而何佩瑜則自爆安室奈美惠監製今井了介有意簽她到日本發展歌唱事業，對方更不介意她曾整容呢！

李蘢怡單拖出席活動。

林莉亦坦言恨拍拖結婚。