型Dark起
有不少時裝設計師愛玩「黑」勢力，新一代幕後「黑」手就以Rick Owens與Gareth Pugh稱霸。而近期一眾明星齊玩black magic，令這股黑暗力量蔓延。知名時尚作家Janice Wong（王麗儀）就來個點評，她高度讚揚林憶蓮與容祖兒最掂最正；而百變天后Lady GaGa就以視覺焦點夠搶取勝！
Lady GaGa ★
掂到爆，成個look已經夠視覺焦點，唔理佢大髀粗唔粗，由頭到腳都配到無得頂！
熊黛林 ★
佢本身係專業模特兒，但係未能將優點發揮，其實佢個樣好女仔，面尖尖嘅娃娃臉，可以着得sweet啲，同呢種風情萬種嘅衣服完全格格不入。
林 峯 ★
一個字Chok，冇出事位，近期啲星都好興呢款潮人打扮，冇乜特別，穩穩陣陣，突出唔到自己囉！
徐子珊 ★
性感得嚟好型，着法簡簡單單，又襯對勁潮嘅over-the-knee boots，不錯。
容祖兒 ★
性感又cool，台上好搶眼，衣服、妝容同髮型好絕配，又凸顯到佢身材，一個「掂」字！
鍾欣桐 ★
黑色着唔瘦佢，反而着到佢條腰粗，可能係條裙剪裁出事，不過我覺得佢個樣甜，適合啲較feminine打扮，唔襯cool look。
薛凱琪 ★
不過不失，因為晚裝裙好成熟好優雅又有女人味，梳個道士頭會型得滯，格格不入，如果將頭髮放晒落嚟兼髮尾微曲，效果更佳。
Janice Wong
知名時尚作家及博主，暢銷著作《我的時尚騷靈》，美國 CNNGo.Com讚譽她為 「香港首位真正的時裝權威」。Janice 曾於時尚媒體業工作超過20年，是第一代香港國際中文版女性雜誌的時裝編輯，也是首位前赴採訪歐美時裝周的華文編輯，開創歐美時裝周現場直擊報道的出版潮流，曾訪問的國際時裝名師不計其數。