Madi心想事成最啱聽

第五代Cannon女Madi Ross今年首次在港度歲，母親是中國人的她以前在加拿大亦與家人過年，但氣氛當然不及香港了。Madi說：「我哋會去公公婆婆屋企食團年飯，婆婆會煮好多嘢食，擺到成枱都係，連火雞都有，唔係傳統中國賀年菜式，我覺得似中西合璧fusion菜多啲。公公婆婆仲會畀利是我。」不過她以前就未見過揮春等賀年裝飾，她說：「我都係喺香港過年先知咩係揮春，雖然上面得幾個字，但就好有意思，每句都係祝福，我最鍾意就係『心想事成』呢句，想咩有咩梗係最好。」