MC Jin 6月榮升爸爸

歌手歐陽靖（MC Jin）、鄭欣宜及薛家燕前晚出席活動，去年與女友拉埋天窗的MC Jin宣布榮升爸爸，他說：「好開心，一索得男，太太6月喺New York生，到時會請幾個月假返去陪佢，亦都會入產房。（長子嫡孫？）係呀，可以將歐陽個姓傳落去。」他透露未為BB改名：「中文名交畀長輩改，英文名就由我同太太改，做咗爸爸好有推動力去勤力做嘢。」欣宜透露外籍男友Mark Ryan因不懂中文，見到人都祝對方快高長大，她說：「幾可愛吖。（新年有冇打牌？）冇，唔識打，冇天分。」而家燕姐透露主持的電台節目大受歡迎，公司即加她人工及出花紅。