基仔唔攞獎 逼傅明憲出山
每年新年基仔必定約齊老友GiGi、家樂團拜，三人甫見面就你一言我一語玩個不休，還百無禁忌，不會憐香惜玉的家樂箍住GiGi頸「質」她吃蘿蔔糕，GiGi笑着還擊，之後兩人各持一件糕點「進攻」基仔！基仔即笑言：「啲糕真係好好味，正所謂『男兒口大食四方』，即管嚟啦！」場面搞笑。
三人因合作拍劇而成好友，基仔跟GiGi先笑家樂是否過檔王維基旗下的電視台，家樂自言是無綫人，GiGi就自爆王維基曾找人接觸她，基仔即說；「你仲做（幕前）咩？」家樂寸GiGi謂：「大家唔知以為你退咗休啦。」又笑指GiGi「成個男人」，難得GiGi不怒反笑：「咁今年我想攞『最受歡迎男歌星』囉！」基仔聞言哈哈笑說：「佢玩我就唔攞，畀晒佢。」
被追利是 四両撥千斤
GiGi透露跟友人出埠滑雪度歲，笑言回來後要向家樂𢭃利是，家樂笑說：「我只係派幾日。」GiGi笑言要搵工人代她帶愛犬到他家先拜年，家樂又說：「你啲狗唔係死晒咩？」認真大吉利是！難得GiGi完全不動氣，跟基仔齊齊踢爆平日家樂把口仲衰。問到基仔何時派利是？家樂、GiGi插口笑說：「終於入正題啦。」基仔四両撥千斤笑說；「我年年都有派開工利是，慰勞一班辛苦咗成年嘅同事。」
採訪：音樂組
攝影：吳文聰
場地：蘭苑饎館