蔣怡傾結婚未埋欄
名模蔣怡和歌星鄭融昨出席手袋品牌Coach為慶祝全新旗艦店開幕舉行的春季系列預展，蔣怡透露之前因拍戲而導致頸痛和腰痛，她說：「都問緊朋友有冇名醫介紹。（調理身體生BB？）希望有，係喜事，冇乜所謂，BB係一份禮物。（偷偷地註咗冊？）未咁快。（Plan咗結婚大計未？）成日都有傾，過多一、兩年會結，但都未係時候。」她又表示不會刻意追龍B，因為她一向喜歡蛇，問到現時是否已開工造人？她則笑言會努力。
而鄭融表示自己喜歡儲錢，幾季才會買一個手袋，問到是否等男友送？她說之前看中一個狗仔日曆，男友送給她作為新年禮物，她已很開心。至於是否要愛情不要麵包？她就笑言兩樣都要。提及早前的頒獎禮食白果，她說：「唔會唔開心，大家都知唔會個個都有獎。」
