馬清偉愛扮嘢 蔡志明齊腳開P

馬清偉前晚假中環酒吧舉行私人派對，並設主題為「化妝舞會」，女友Winnie全家出動，還列明如沒有妝扮到場，要罰飲兩杯酒及罰款三百元。

當晚Winnie以水手服上陣，其胞姊就扮演Super Woman，兩位胞妹分別打扮成徐小鳳及拉斯維加斯女郎，心思十足；馬清偉女兒Tess就變身紅髮Rihanna，有份出席的王敏德一家及張學潤等亦齊齊扮嘢，場面熱鬧。馬清偉前妻薛芷倫亦在被邀之列，惟十二點過後還未見她現身。

放大圖片	蔡志明享受家庭生活，開P也有太太和仔女陪唱K。	彤叔前晚以西裝襯波鞋的「潮look」示人。

身穿紅色冷衫的馬清偉被問扮哪個角色時笑言：「我仲唔係聖誕老人？每年聖誕都會搞派對，主要係想畀小朋友玩吓開心吓，唔使出去同人逼。」之前曾醉酒昏迷的馬清偉，透露聖誕願望是身體健康，並坦言現時飲酒也會適可而止。

雷兆光太太帶女兒歡度平安夜。	蔡志明平安夜在美食堆中，度過溫馨一夜。	周國勳一家三口與馬詩慧及女兒出席馬清偉派對。

鄭裕彤潮上身

另外，每年平安夜會在別墅舉行派對的蔡志明今年亦不例外，還全家到齊，兩名女兒都帶同另一半，唯獨兒子加讚因女友汪圓圓不在港而單拖現身。加讚表示聖誕願望是一家開心，問他一家人是否包括女友？他說：「包埋，我講多次希望一家人同女友都開開心心。我每年都會跟屋企人去聖誕旅遊，今年會去澳門同中山。（明年有冇結婚同造人打算？）要有咁上下年紀先，唔係咁衝動，但唔會好老先生仔。（答應咗爹哋一定會畀個孫佢？）做仔嘅一定啦！你問佢，佢實話好。」

至於彤叔前晚穿西裝襯波鞋的「潮look」現身君悅酒店，他精神奕奕向記者揮手，明顯心情大好。同場還有九巴後人雷兆光夫婦、富二代莊家彬及鯊魚女陳細潔等。

文：名人組